په‌نابه‌رانکوردستان

نه‌ته‌وه‌یه‌كگرتووه‌كان بۆ حكومه‌تی یۆنان: به‌ په‌له‌ ڕێژه‌ی په‌نابه‌ران له‌ كه‌مپی مۆریا كه‌م بكه‌نه‌وه‌

كه‌مپی مۆریا له‌ دورگه‌ی میتیلینی، یه‌كێك بوو له‌و كه‌مپانه‌ی كه‌ ساڵی 2015 ، زۆرترین كۆچبه‌ری عێراقی و سوری و ئه‌ڤغانی له‌ ده‌ریاكانی توركیاوه‌ روویان ده‌كرده‌ ئه‌و كه‌مپه‌. كه‌مپی مۆریا له‌ سه‌ره‌تای دروست كردنی، بۆ 2.000 په‌نابه‌ر دروست كرا، به‌ڵام ئه‌مڕۆ زیاتتر له‌ 10.000 په‌نابه‌ری له‌ خۆی گرتووه‌ و به‌ بۆنه‌ی ئه‌و هۆكاره‌شه‌وه‌ بارودۆخی كه‌مپه‌كه‌ رۆژانه‌ ئاڵۆزتر ده‌بێت و رێكخراوه‌ نا حكومیه‌كان توانای هاوكاری كردنی په‌نابه‌ره‌كانیان نه‌مه‌وه‌.

 

به‌رپرسی نه‌ته‌وه‌یه‌كگرتووه‌كان بۆ په‌نابه‌ران له‌ وڵاتی یۆنان، چارلێی یاكسلێی (Charlie yaxley), به‌ فه‌رمی داوای كردووه‌ له‌ وه‌زاره‌تی په‌نابه‌رانی یۆنان، به‌ شێوه‌یه‌كی خێرایی، رێژه‌ی په‌نابه‌رانی كه‌مپه‌كانی لێسڤۆس به‌ تایبه‌تی كه‌مپی مۆریا كه‌مپبكاته‌وه‌ و ڕه‌وانه‌ی شاره‌كانی باكوری یۆنانیان بكه‌ن.

له‌ مانگی 7دا له‌ كۆنگره‌یه‌كی رۆژنامه‌وانیدا، له‌ گه‌ڵ وه‌زیری په‌نابه‌رانی یۆنان ، دیمیتریس ڤیچاس (Dimitris Vitsas), له لێدوانێكی تایبه‌تدا بۆ Pishti-News ڕایگه‌یاند، كه‌ تا كۆتای ئه‌مساڵ نزیكه‌ی 7.000 په‌نابه‌ر له‌ گشت دورگه‌كانی یۆنان به‌ تایبه‌تی له‌ دورگه‌ی لێسڤۆس ، سامۆس، كۆس، كیۆس، رۆدۆس كهم ده‌كه‌نه‌وه‌ و ره‌وانه‌ی شاره‌كانی باكوری یۆنانیان ده‌كه‌ن.

هه‌روه‌ها چارلی یاكسلێی، به‌ ژماره‌یه‌ك رۆژنامه‌نووسی راگه‌یاند كه‌ باری ته‌ندروستی په‌نابه‌ران له‌ كه‌مپی مۆریا زۆر نا جێگیره‌ و رۆژانه‌ توشی نه‌خۆشی ده‌بن و هاوكاری پزیشكی زۆر خراپه‌ و توانای چاره‌سه‌ر كردنی هه‌موو ئه‌و په‌نابه‌رانه‌ نین، بۆیه‌ پێویسته‌ وه‌زاره‌تی په‌نابه‌رانی یۆنان به‌ په‌له‌ رێژه‌ی ئه‌و كه‌مپانه‌ كه‌م بكاته‌وه‌.

له‌ هه‌مان كاتدا، بۆ هۆی زیاد بوونی رێژه‌ی په‌نابه‌ران له‌و دورگه‌یه‌ رۆژانه‌، شاره‌وانی دورگه‌ی لێسڤۆس، سپیرۆس گالینۆس (Spiros Galinos) له‌ نامه‌یه‌كی فه‌رمیدا بۆ وه‌زیری په‌نابه‌رانی یۆنان, داوا ده‌كات كه‌ ئه‌گه‌ری كاره‌ساتێكی مرۆی هه‌یه‌ له‌و دورگه‌یه‌ ئه‌گه‌ر به‌ شێوه‌یه‌كی خێرایی هه‌وڵی كه‌م كردنی په‌نابه‌ره‌كان نه‌كات له‌ كه‌مپه‌كان.

 

پشتیوان جاف

به‌ڕێوبه‌ری Pishti-News

سه‌رچاوه‌: BBC , UN GENEVA

 

  وتاری چارلێی یاكسلێی له‌ بنكه‌ی نه‌ته‌وه‌یه‌كگرتووه‌كان له‌ جنێف له‌ سویسرا، سه‌باره‌ت به‌ بارودۆخی په‌نابه‌ران له‌ دورگه‌ی لێسڤۆس

 

 

زیاتر ببینه

Related Articles

Back to top button
Close
Close