په‌نابه‌ران

به‌ڤیدیۆ: ساته‌وه‌ختی ڕووداوی هاتووچۆی 15 كۆچبه‌ر له‌ باكوری یۆنان

كۆچبه‌رێك گیانی له‌ ده‌ستدا و 5 كۆچبه‌ری دیكه‌ بریندار بوون

ئه‌مڕۆ به‌یانی كاتژمێر 07:00 له‌ ئۆتۆبانی نزیك شاری ساڵۆنیك، ئۆتۆمبیلێكی جۆری جیپ به‌ 15 كۆچبه‌ره‌وه‌ توشی ڕووداوی هاتووچۆ بوون. ده‌ستبه‌جێ كۆچبه‌رێك گیانی له‌ ده‌ستدا

به‌پێی زانیاریه‌كانی ماڵپه‌ڕی پشتی-نیوز، كۆچبه‌ره‌كان له‌ سه‌ر سنوری یۆنان و توركیا به‌ڕێ كه‌وتن به‌ره‌و شاری ساڵۆنیك. له‌ ڕێگاكه‌دا، شۆفێره‌كه‌ خێرایی ئۆتۆمبیله‌كه‌ی زۆر زیاد كرد و پاشان كۆنترۆڵی له‌ده‌ستدا و ئۆتۆمبیلكه‌یان وه‌رگه‌ڕا.

له‌ ڕووداوه‌كه‌دا كۆچبه‌رێك ده‌ستبه‌جێ گیانی له‌ده‌ستدا و 5 كۆچبه‌ری دیكه‌یش بریندار بوون، ڕه‌وانه‌ی نه‌خۆشخانه‌ی شاری ساڵۆنیك كران.

به‌پێی میدیاكانی یۆنان، دوای ڕووداوه‌كه‌، به‌شێك له‌ كۆچبه‌ره‌كان هه‌ڵهاتن تاكو پۆلیس شاری ساڵۆنیك ده‌ستگیریان نه‌كات.

په‌یامنێری كه‌ناڵی سكای یۆنانی ده‌ڵێت:

ھۆكاری زۆربه‌ی ڕووداوه‌كانی هاتووچۆی كۆچبه‌ره‌كان‌ له‌ سه‌ر سنوری یۆنان و توركیا، بۆ ئه‌وه‌ ده‌گه‌ڕێته‌وه‌ كه‌ شۆفێری ئۆتۆمبیله‌كان، خێرایی زۆر زیاد ده‌كه‌ن و ڕێنمایی یاساكانی هاتووچۆ ناپارێزن…

له‌ ئێستادا پۆلیس به‌دیاداچوونی ڕووداوه‌كه‌ ده‌كات و به‌دوای كۆچبه‌ره‌ هه‌ڵهاتووه‌كان ده‌گه‌ڕێت.

به‌ڤیدیۆ: ساته‌وخه‌تی ڕووداوه‌كه‌

 

پشتیوان جاف (Pishtiwan Jaf)

به‌ڕێوبه‌ری Pishti-News

 

تاگ
زیاتر ببینه

Related Articles

Back to top button
Close
Close