په‌نابه‌ران

به‌م شێوه‌یه‌ ده‌زگای مافی په‌نابه‌رێتی له‌ یۆنان ده‌كرێته‌وه‌

به‌ پێی بڕیاری فه‌رمی وه‌زیری په‌نابه‌رانی یۆنان، له‌ ڕۆژی دووشه‌ممه‌  18/5/2020  كاتێخاكی و ته‌واوی ده‌زگاكانی مافی په‌نابه‌ر له‌ یۆنان ده‌ست به‌كار ئه‌بن.

 

به‌هۆی بڵاو بوونه‌وه‌ی ڤایرۆسی كۆرۆنا و په‌نابه‌ران له‌ ده‌زگاكانی مافی په‌نابه‌ری كۆ نه‌بنه‌وه‌، وه‌زاره‌تی په‌نابه‌رانی یۆنان، چه‌ند ڕێنماییه‌كی بڵاو كرده‌وه‌ و بۆ تیمی ڕۆژنامه‌وانی پشتی-نیوز و ته‌واوی ڕۆژنامه‌نووسان نارد تاكو په‌نابه‌ران لێی ئاگادار بكرێنه‌وه‌.

به‌ پێی ڕێنماییه‌كان رۆژژی دووشه‌ممه‌ 18/5/2020 له‌ %50 كارمه‌نده‌كان ده‌سبه‌كار ده‌بن و ئه‌و ڕۆژه‌ش ته‌نها بۆ پێدانی مافی په‌نابه‌ری (ئیقامه‌) ده‌بێت كه‌ بۆیان ده‌رچووه‌.

ئه‌و په‌نابه‌رانه‌ی به‌هۆی له‌ ماوه‌ی كۆرۆنا و كه‌ره‌نتینا ئیقامه‌كانیان به‌سه‌ر چووه‌ یاخود ئه‌وانه‌ی ئۆزڤایزاكانی به‌سه‌رچووه‌ و پێویست ده‌كات نوێو بكه‌نه‌وه‌، وه‌زیری په‌نابه‌رانی یۆنان ڕایگه‌یاند كه‌ به‌ ئۆتۆماتیكی بۆ ماوه‌ی 6 مانگ بۆ هه‌موویان نوێ كراوه‌ته‌وه‌ و پێویست ناكات سه‌ردانی بنكه‌ و ده‌زگای مافی په‌نابه‌ری بكه‌ن بۆ نوێ كردنه‌وه‌.

به‌ پێی بڵاو كراوه‌ی وه‌زاره‌تی یۆنان، چۆنیه‌تی كار كردنی ده‌زگای مافی په‌نابه‌ری به‌م شێوه‌ ده‌بێت:

ڕۆژی دووشه‌ممه‌ 18/5/2020 گرنگی ده‌درێت به‌و په‌نابه‌رانه‌ی كه‌ بڕیاری وه‌رگرتنی مافی په‌نابه‌ری (ئیقامه‌یان) بۆ ده‌رچووه‌ و له‌ ڕێگه‌ی ته‌لیفۆن یاخود ئیمه‌یل په‌نابه‌ران ئاگادار ده‌كرێنه‌وه‌ بۆ وه‌رگرتنی ئیقامه‌كانیان.

دواتر له‌ 25/5/2020 پلاتفۆرمێكی ئه‌له‌كترۆنی داده‌مه‌زرێت تاكو په‌نابه‌ران تێیدا ناوی خۆیان تۆمار بكه‌ن بۆ وه‌رگرتنی ئیقامه‌كانیان كه‌ بۆیان ده‌رچووه‌.

دواتر له‌ مانگی 6ه‌وه‌، وه‌زاره‌تی په‌نابه‌رانی یۆنان، له‌ ئاماده‌كردنی ڕێگه‌یه‌كی ئه‌له‌كترۆنیدایه‌، تاكو كۆچبه‌ر و په‌نابه‌ران به‌ شێوه‌یه‌كی ئه‌له‌كترۆنی داوای مافی په‌نابه‌ری بكه‌ن و ناوی خۆیان تۆمار بكه‌ن، هه‌روه‌ها خاوه‌ن ئیقامه‌كانیش له‌ هه‌مان ڕێگه‌وه‌ داوای نوێ كردنی مافی په‌نابه‌ریه‌كانیان بكه‌ن.

بڕیار وایه‌ به‌م نزیكانه‌، وه‌زاره‌تی په‌نابه‌ران، بڕیاری نوێ بڵاو بكاته‌وه‌ و زانیاری نوێ به‌ په‌نابه‌ران بدات.

بڕیاری ئه‌مڕۆی وه‌زاره‌تی په‌نابه‌رانی یۆنان، نۆتیس میتاراكیس

پشتیوان جاف (Pishtiwan Jaf)

به‌ڕێوبه‌ری Pishti-News

 

تاگ
زیاتر ببینه

Related Articles

Back to top button
Close