ڤیدیۆ

به‌ڤیدیۆ: سوپای توركیا كۆچبه‌ران ڕه‌وانه‌ی سه‌ر سنوره‌كانی یۆنان ده‌كات

سوپای توركیا هاوكاری كۆچبه‌ری نایاسایی ده‌كات، بگه‌نه‌ سه‌ر سنوره‌كان، تاكو به‌ نایاسایی بگه‌نه‌ خاكی یۆنان

 

ماوه‌یه‌كه‌ ژماره‌یه‌كی زۆر له‌ كۆچبه‌ر و په‌نابه‌ری نایاسایی نزیك بوونه‌ته‌وه‌ له‌ ناوچه‌كانی ده‌وروبه‌ری ئه‌دیرنێی توركیا و ده‌یانه‌وێت به‌ نایاسایی سنوره‌كان ببه‌زێنن و بگه‌نه‌ خاكی یۆنان.

دوو وێنه‌ بڵاو كراونه‌ته‌وه‌ له‌ سۆشیال میدیا كه‌ تێیدا ده‌ركه‌وتوون ، ئۆتۆمبیلی سه‌ربازی توركیا ڕێگری ناكات له‌ كۆچبه‌ری نایاسایی و له‌ پێش چاوی ئه‌واندا كۆچبه‌ره‌كان سنوره‌كان ده‌به‌زێنن و ئه‌وانیش سنوره‌كان ناپارێزن.

له‌ چه‌ند ڕۆژی ڕابردوودا له‌ ڕاپۆرتێكی ماڵپه‌ڕی پشتی-نیوزدا () باسی ئه‌وه‌مان كرد كه‌ جموجۆڵی كۆچبه‌ران نزیك خاڵه‌ سنوریه‌كان توركیا و یۆنان بینراوه‌ و جێگری وه‌زیری په‌نابه‌رانی یۆنانیش ئه‌وه‌ی ئاشكرا كردووه‌ كه‌ ئه‌گه‌ری هه‌یه‌ ئه‌ردۆغان دووباره‌ سنوره‌كانی به‌ ڕووی كۆچبه‌ران بكاته‌وه‌.

له‌ هه‌مانكاتدا، حكومه‌تی یۆنان ئه‌وه‌ ئاشكرا كردووه‌ كه‌ ماوه‌یه‌كه‌ ژماره‌ی كۆچبه‌ر زیادیان كردووه‌ و نزیكی سه‌رس سنوره‌كانی توركیا بوون و سه‌ربازه‌ توركیه‌كان چاوپۆشیان لێ ده‌كه‌ن، له‌ هه‌ندێك كاتیشدا ڕێگه‌ نیشانده‌ری ئه‌وانن.

ئه‌م دوو وێنه‌ له‌ لایه‌ن كه‌ناڵی یۆنانی Star بڵاوبوونه‌ته‌وه‌ و تێیدا ده‌ركه‌وتووه‌ كه‌ توركیا به‌ ئۆتۆمبیلی سه‌ربازی، كۆچبه‌ران نزیكی خاڵه‌ سنوریه‌كانی توركیا و یۆنان ده‌كه‌نه‌وه‌ و چاوپۆشیان لێده‌كات، تاكو به‌ نایاسایی سنوره‌كان ببه‌زێنن و بگه‌نه‌ خاكی یۆنان.

 

له‌ به‌رامبه‌ردا حكومه‌تی یۆنان 400 سه‌ربازی نوێی ناردووه‌ بۆ سه‌ر سنوره‌كانی وشكانی له‌ گه‌ڵ توركیا و كامێره‌ی تایبه‌تی له‌ چه‌ند خاڵێكدا داناوه‌، به‌ شێوه‌یه‌كی ئه‌له‌كترۆنی چاودێری خاڵه‌ سنوریه‌كان ده‌كه‌ن تاكو ڕێگری بكه‌ن له‌ كۆچی نایاسایی و له‌ ئه‌گه‌ری دروست بوونی لێشاوێكی دیكه‌ی كۆچبه‌ران.

پشتیوان جاف (Pishtiwan Jaf)

به‌ڕێوبه‌ری Pishti-News

لێره‌ گرته‌ ڤیدیۆكه‌ ببینن:

 

تاگ
زیاتر ببینه

Related Articles

Back to top button
Close